रिसलाई काबु

- सपना लोहनी -

***

एउटा साह्रै रिसालु केटा रहेछ । एकदिन उसको बाबुले एक झोला किला दिंदै भनेछ "हेर वावु, तिमीलाई जति बेला रिस उठ्छ हरेक पटक एउटा किला त्यो भित्तामा ठोक्नु ।"

पहिलो दिन त्यो केटाले ३७ वटा किला ठोकेछ । त्यसपछिको केही हफ्तामा उसले बिस्तारै आफ्नो रिस थाम्न सिक्दै गएछ र भित्तामा किला ठोक्ने क्रम पनि बिस्तारै घट्दै गएछ । त्यो भित्तामा किला ठोक्नु भन्दा आफ्नो रिसलाई काबु गर्न सझिलो उसले महसुस गर्न थालेछ । अन्त्यमा एक दिन उसले एउटा किला पनि ठोक्नु नपरेको दिन पनि आएछ । उसले खुशी भएर आफ्नो बाबुलाई त्यो कुरा सुनाएछ । यस पटक बाबुले भनेछ "अब जुन-जुन दिन तिमीलाई एक पटक पनि रिस उठ्दैन त्यो भित्ताबाट एउटा किला निकाल्नु ।"
समय बित्दै गएछ र एक दिन त्यहाँ भएको सबै किला निकालेको कुरा उसले आफ्नो बाबुलाई भन्न सफल भएछ । त्यसदिन उसको बाबुले छोराको हात समातेर त्यो भित्ता भएको ठाउँमा लगेछ र भित्तातिर देखाउँदै भनेछ "छोरा तिमीले राम्रो गरेछौ, तर त्यो भित्तामा भएको प्वालहरु हेर त । त्यो भित्ता अब कहिले पनि पहिलाको जस्तो हुन सक्दैन । जब तिमी रिसमा केही कुरा भन्छौ, त्यसले यस्तै निसान बनाउँछ । तिमीले कसैमाथि छुरा रोपेर सझिलै निकाल्न सक्छौ तर त्यसपछि जति पटक माफी मागे पनि त्यो घाउ रहिरहन्छ । त्यसैले अब देखि त्यस्तो पछुताउनु पर्ने केही भन्नुअघि आफ्नो रिस काबुमा राख्न नविर्सनु ।"

- समाप्त -

Original Writer: Stephen
Original Title: Temper Control
Written Date: October 22nd, 2008
URL: http://academictips.org/
Crawled Date: May 4, 2010
Picture URL: